Kyk, as ‘n mens nie meer vir jouself kan lag nie, dink ek, is dinge besig om skeef te loop…! Soms is dit sommer net nodig om te gaan sit en dink: wát het ek nou aangevang / gesê / gedoen / gedink……. En dan jou kop agteroor te gooi, en lekker vir jouself te lag. Dink net hoe ‘n lekker ontspanne omgewing gaan ons nie skep nie.
‘n Hele ruk terug ry ek saam met ons vorige drywer. Dik swart rook borrel op in die lug in die rigting van Lekki. Ek wonder by myself wat dit kan wees, toe John sommer sonder enige aanmoediging vir my sê: “a foil lorry is burning”! “Oh my!” is my enigste reaksie wat ek kan uiter, want weereens in my stilligheid sien ek die “lorry” toegemaak in foelie, wat besig is om te brand……? Die res van die gesprek het min-of-meer so verloop:
Annie: “John, just say again?”
John: “the foil lorry is burning”
Annie: “foil? Are you sure?”
John: “Yes, ma. It exploded”
Annie is nou heel deurmekaar – ek sien tienduisend stukkies foelie in die lug ontplof……totdat ek mooi dink oor die Nigeriese uitsprake wat soms vir ons só vreemd is……!
Annie: “Oh yes, the fuel lorry exploded! That’s bad!”
Op ‘n ander keer, wil ek vinnig winkels toe gaan – ek moet bak, en benodig ‘n bestanddeel. Wel, Palms Mall is ongeveer 3 km van ons af, maar dit kan maklik ‘n uur soontoe neem, so, “vinnig” is ‘n relatiewe begrip. Ek vra vir John om my na die Mall te neem … ! “I quickly want to go to the mall”, was die doodgewone stelling (?) wat ek min-of-meer gemaak het….. En met dié, trek John met ‘n vaart weg, vleg tussen die verkeer deur, stop net effentjies by die tolhek, en kom met swart remmerke voor die winkel tot stilstand!
Annie: “Wow John, that was fast! Are you in a hurry?”
John: “No ma, you told me you wanted to go to the mall quickly, so I need to get you there very fast!”
Sjoe, sal my leer, nê!
Anne-Marie stuur hierdie week vir my ‘n lys van aksente wat ons nou al begin leer / verstaan het:
Maar moet onse boerevolkie nie weggooi nie – ons het ook ‘n paar volksvreemde sêgoed / woorde wat ook my kop laat agteroor gooi en lekker lag:
Woorde eie aan ons, en wat so lekker sê:
bakkie
bakgat
chommie
dinges
lekker!!!
jawelnofine……(yes well no fine!)
moegoe
laduma! en nog vele meer!
Laat ons bietjie die koppe agteroorgooi en lekker lag!
Tot ons weer saamkuier!
Dis al te oulik!
🙂 Ek is so gewoond daaraan om my naam Gat te maak, ek gee nie eens meer om nie!
Ja wel, ek ook!!! Ons kinders breek hulle nou nog oor die manier hoe ek “Cincinnati” uitspreek…… 😉
Nou hoe moet dit dan uitgespreek word? Is hulle nie dalk verkeerd nie?
Haha, nee jong, met die Amerikaanse rol-uitspraak. Ek maak dit sommer ‘n boere-uitspraak… 😉