“Kyk, die lewe van ‘n Expat-vrou kan baie interessant wees, maar ook, waarmee hou jy jou bedags besig”, is ‘n vraag wat my baie gevra word.
“Interessant” is my lewe vir seker! En ook verryk – soveel plekke, soveel dinge, soveel mense! Dit is ‘n wonderlike voorreg wat ek het om hierdie ondervinding saam met my beste helfte te kan beleef. Maar, as hy in die dag werk toe gaan, waarmee hou ek my besig…..?
Wel, ek kan ook darem nou nie élke dag saam met die drywer in die kar spring en iewers gaan koffie drink nie (goed, goed, ek is seker ek sal dit ook kan doen….)! Behalwe dat daar nie só baie deli’s en koffiewinkels in Lagos is nie, sal dit ook my liewe man bankrot maak…..teen N1200 ‘n cappuccino (nou al R92!)
Hier in Lagos het ek weer begin om lekker te bak en te brou. Vetkoek en pizza met die broodmasjien leer bak. Innoverend te wees met dít wat ons hier kry. En dan natuurlik, weer bietjie naaldwerk te doen.
Ek het op Pinterest rondgesoek vir ‘n redelike maklike projek om aan te pak. Ek het sommer dadelik verlief geraak op die mooi sak!
Ek het al ‘n paar sakke probeer maak, en dalk herken van julle dalk ‘n sak of twee!
Die naaimasjien is vir eers bietjie weggepak, maar ek hoop ek kan nog vele van die sakke maak. My sakke is nie naastenby so mooi soos Ashley s’n op haar blog nie, maar ek probeer, en elkeen word met baie liefde gemaak. Dankie Ashley dat ek dit met my vriende kan deel!
Tot ons weer saamkuier!
So mooi ek wil ok enekie he!!
Aaaaa dankie!! Ek sal moet begin stik!! 😉
Oeee dis te mooi! 🙂
Dankie hoor!
Ek hou van die met die geskryfde lap! Jy kan maar aanstuur dankie.
Hehe dankie!! Sien nou die dag die mooiste “Laeveld lap”! Gaan kyk gerus by:https://www.facebook.com/laeveldlappies/timeline. Ek dink ek gaan sommer nou bestel…..
Oooooo ja dis mooi!
Klaar bestel – gaan laai dit Mei op!! Jippie!
Pragtig… ek het tot .n ma wat my gevra het waar kan hulle les loop.
Sy kan sommer op hul fb-blad vir hulle ‘n boodskappie stuur, of hulle bel: 013-754-1687 Hoop sy kom reg 😊
Baie dankie
Nou wanneer sien ons weer n Annie blog? Al is dit nie in Lagos nie? Ons mis haar… 😘
2016-03-22 12:43 GMT+02:00 Annie in Lagos :
> annie260264 posted: ““Kyk, die lewe van ‘n Expat-vrou kan baie interessant > wees, maar ook, waarmee hou jy jou bedags besig”, is ‘n vraag wat my baie > gevra word. “Interessant” is my lewe vir seker! En ook verryk – soveel > plekke, soveel dinge, soveel mense! Dit is ‘n wonderlik” >
Ai jai jai! Ek is lekker uitgevang!! 😉 Hierdie Annie is behoorlik rondom die wêreld……ek is eersdaags weer aktief… 🙂